Page 55 - 113祖父母節_優勝作品集
P. 55
社 組 會
料理故事
阿媽的愛心宵夜
頭一改食著阿媽煮的卵酒，是讀高三的時。
優選 ——麻油卵酒 讀冊彼陣功課壓力大，為著準備考試逐暗無讀甲半暝半袂歇睏；彼當陣囡仔人當
咧大，就算暗頓有食飽，到十點偌嘛會閣喊枵。便若這个時陣，阿媽就會用伊的雙手
變出宵夜來予我食，熱人是焦麵、寒人就是麻油卵酒。寒天食卵酒是一種享受，內底
誰和我一起下廚
— — 陳姿穎 — — 有卵、薑佮燒湯，便若食落規身軀攏燒烙起來，另外阿媽閣會加囥一把麵線，伊講
阿媽 按呢才食會飽。
大學了後，離開宜蘭出外讀冊、食頭路倚六冬。佇都市啥物奇巧的好料攏有，
頭起先，我會佮朋友相招去食，若食著好食的，嘛會敲電話佮阿媽分享，約束好後
逝 伊來食。毋過久來嘛感覺無啥滋味，食閣較濟心內仝款空虛。有時孤單想厝，
我就會想起阿媽的卵酒。有真濟个思鄉的暗暝，我照阿媽教的做法想講煮來過癮，
煞攏無法度煮出記持中的滋味，想起來就餒志。
一直到今年搬轉來宜蘭，我央阿媽共我教，堅持欲共這路菜學起來。就按呢，
綴阿媽的跤步行入灶跤，阿媽這个大總舖那教我那攢料，等一切攏準備好勢了後，
就開始落鼎。首先是麻油，阿媽特別交代，若想欲卵酒會芳，就愛用北港的麻油才會
著味；紲落來共卵敲落去鼎裡，用麻油煎甲略仔赤赤好，才閣囥薑母落去煏芳氣，
閣來就是下米酒佮水落去滾，順紲共代先煠好的麵線撈起來碗底等。就佇咧我掠準欲
完成的時，阿媽笑笑仔提出伊的秘密武器——糖。「愛閣摻一寡仔赤砂，按呢鹹汫才
會出來。」阿媽那講予我聽那試鹹汫，袂輸總舖師咧教師仔，我這个小徒弟就徛佇咧
邊仔，若像抾著寶仝款，趕緊共手機仔提出來記佇面頂。
一碗有色水、有芳氣、有滋味閣有記持的麻油卵酒，佇阿媽的指導之下順利完成
矣。這碗簡單的點心，內底毋但有青春的記持、有故鄉的氣味，閣有序大人疼孫的
心意。經過遮濟年，食過遐爾濟網友呵咾的好料理，我猶是上思念這味。這擺，阿媽
換用伊的雙手來教我這个查某孫，毋但是共手路菜佮伊的智慧交予我，閣較是予我
安定的力量。後擺，就算閣一改出外拍拚，我嘛會當煮出故鄉的滋味，予每一个想厝
的暗暝，袂閣感覺孤單。
52 53
